السلام عليكم ..
اليوم جبت لكم رائعه من روائع
عبدالكريم الجباري
اخليكم مع القصيده ..
لحظه بوادعك قبل انك توادعني
ماني من اللي تروح ويمشي خلافك
لي عزةٍ يا وليد الناس تمنعني
لو قلت مابيك تمزح خاطري عافك
قد قلتها لك قبل ماكنت تسمعني
واليوم فعلك هو اللي حطم اهدافك
يابن الاوادم نصيحه واخذها طعني
ماكل شخصن يذل النفس لا شافك
صحيح زينك في بعض احيان شجعني
لكن زود الكرم زودت بسرافك
ماهو بأنا اللي تنزلني وترفعني
لو درت في نيتك كسرت مجدافك
تبي الصراحه تصدد لا تطالعني
اخاف من دمعتك والا انت ما اخافك
ماغير واحد ولا مخلوق ولعني
الحب يجرف ولا تختار جرافك
لو قلت لحدن تحب وقالك يعني
خله وبعد مدام الوقت ماطافك
اصارع النفس والدنيا تصارعني
والفرق من مغرافي لمغرافك
ياخي ترى القلب عيا لايطاوعني
يابن الاوادم توكل خاطري عافك
منقوووووول لعيونكم ...
نامي العتيبي
الجمعة أبريل 09, 2010 3:41 pm
